Siglir tar il cuntegn
Inhalt

Surselva Surselva classic cun pulenta, schuppa e vinars

Stil classic ubain liber e senza squitsch da temp, quai è il Surselva classic. Sonda pon participantas e participants prender part a la cursa da Trun fin a Fontanivas/Mustér.

Surselva classic:  Trun fin a Fontanivas/Mustér.
Legenda: Surselva classic: Trun fin a Fontanivas/Mustér. RTR

Tipic tar questa occurrenza è la cumbinaziun da sport e plaschair culinaric. Els hajan vulì integrar products regiunals, di David Deplazes dal Center sursilvan d’agricultura. I duai esser in eveniment da s’entupar e dad avair discurs sin loipa.

A l’entschatta dal Surselva classic datti in solver a Trun, e là datti alura era gentar: pulenta cun fratem. Mo era durant la cursa datti refrestgs, saja quai schuppa da zitgas a Fontanivas ubain tés e vinars. Avant tschintg onns hajan els cumenzà cun la cumbinaziun da sport e culinarica.

A Fontanivas
Legenda: A Fontanivas RTR, L. Livers

Naiv mancava

Duas giadas na saja quai betg stà pussaivel d’organisar l’occurrenza perquai che la naiv mancava. Lura han ils organisaturs midà il termin da l’entschatta da schaner sin il favrer. Ma sco David Deplazes di, saja quai er stà quest onn in pau ina lottaria. Avant quindesch dis aveva quai fitg bunas relaziuns, e suenter haja quai pluvì e stà favugn. Uss saja el dentant cuntent ch’els possian far il Surselva classic; ed el prendia era part.

Ils gidanters ston preparar bavrondas e vivondas per ca. 140 persunas.

RR actualitad 06:00