Surselva - Sursaissa Mundaun: Regenza lubescha da schlargiar pista
En connex cun il campiunadi mundial da skis per persunas cun impediment da l'auter onn a Sursaissa, ha la regenza grischuna approvà la revisiun parziala da la planisaziun locala.
La regenza ha decidì: la pista Sursaissa Mundaun po vegnir schlargiada. Quai è necessari per il campiunadi mundial da skis per persunas cun impediment da l'auter onn a Sursaissa.
In toc guaud sto vegni allontanà per crear uschia dapli spazi per skiunzas e skiunzs. Per il toc guaud che vegn runcà datti mesiras da cumpensaziun a favur da la protecziun da la natira e da la cuntrada en il territori da palì «Prennta Gada».
