Sursaissa-Mundaun fa er reclama per Breil/Vuorz/Andiast

La pagina d’internet da las pendicularas Sursaissa-Mundaun SA na mussa betg mo la camera-web dal Mundaun. Era ils maletgs da duas cameras montadas a Breil èn vesaivels.

La camera-web da Breil sin la pagina d'internet obersaxen-mundaun.ch.

Legenda da maletgs: La camera-web da Breil sin la pagina d'internet obersaxen-mundaun.ch. www.obersaxen-mundaun.ch

Che las pendicularas Sursaissa-Mundaun SA mussan era maletgs da duas cameras-web montadas a Breil sin lur pagina d’internet han ina simpla raschun: omadus territoris da skis fan part a la destinaziun da vacanzas Surselva.

Ils custs per montar e tgirar las cameras sco era per furnir las datas per la pagina d’internet vegnan partids tranter las pendicularas Sursaissa-Mundaun SA, las pendicularas Breil-Vuorz-Andiast SA e l’organisaziun Surselva turissem.

Josef Brunner, il directur da las Pendicularas Sursaissa-Mundaun.

Legenda da maletgs: Josef Brunner, il directur da las Pendicularas Sursaissa-Mundaun. mad

Ord quai motiv ha il directur da las pendicularas Sursaissa-Mundaun SA Josef Brunner era nagin problem, che osps vesan ils maletgs da cameras installadas a Breil. La finala saja quai reclama per l’entira destinaziun Surselva.

RR actualitad 11:00

Emissiun tar quest artitgel