Siglir tar il cuntegn

Header

cuntegn

Surselva Sursaissa: Gieus Olimpics tut spezials

Ils gieus olimpics per famiglias a Sursaissa cun in chavaterra ed in camiun han carmalà inqual famiglia tar il Rufalipark. I ha dentant sa chapescha er dà disciplinas in zic pli classicas.

audio
Sursaissa: Gieus olimpics per famiglias
ord Actualitad dals 01.08.2016.
laschar ir. Durada: 2 minutas 30 Secundas.

Cun in chavaterra ed in camiun han ils organisaturs vulì carmalar las famiglias cun lur uffants tar il Rufalipark a Sursaissa. Betg simpel. L’emprim d'avust ha cumenzà cun plievgia, temperaturas enturn 15 grads ed in tschiel grisch. Tuttina han insaquantas famiglias chattà la via als gieus olimpics.

Disciplinas spezialas

Davent da disciplinas usitadas sco sajettar cun il balester u cun la buis ad aria cumprimida, bigliard ed indiaca fin tar disciplinas per las qualas ins dovra in chavaterra hai dà dal tut. Gea, in chavaterra. Sin la pala da quel è ina buttiglia d'aua vegnida fermada e cun bler sentiment han ins lura stuì derscher l'aua en cups. En scadin cas in dals highlights per ils pitschens atlets.

Artitgels legids il pli savens