Siglir tar il cuntegn

Header

cuntegn

Surselva Sursaissa: Accident da lavina mortal al Piz Sezner

En il territori da skis da Mundaun è in snowboardist vegnì en ina lavina gievgia suentermezdi e mort. Sco quai che la polizia chantunala ha communitgà saja l'um (53) vegnì en la lavina ordaifer la pista marcada sut il Piz Sezner. Ses figl (17) ch'era cun el na saja betg vegnì en la lavina.

Tenor la communicaziun da la polizia saja chaminà l’um da la staziun sura da la sutgera Sezner anc radund 200 meters en direcziun Piz Mundaun. El è sa mess sco emprim a la descensiun dador la pista marcada. Ses figl è suonda curt suenter. Tar quai è vegnida libra ina lavina che ha stratg cun sai ils dus. Il figl ha pudì sa deliberar sez.

Ina quart d’ura pli tard avevan las forzas da salvament chattà il bab sut la naiv. Malgrà la reanimaziun immediata è el mort anc sin il lieu. Per tgirar il figl è vegnì clamà il Care Team Grischun

RR novitads 18:00

Artitgels legids il pli savens