Suraua: Chascha da brevs mal postada

L'istorgia da la suletta chascha da brevs per ils vitgs da Uors e Surcasti ha cumenzà gia l'atun cura ch'ella e vegnida montada vid ina tabla da signalisaziun. Quai n'ha betg plaschì a la polizia chantunala, ed ella ha stuì davent.

Laschar ir video «La sfida da da bittar en las brevs»

La sfida da da bittar en las brevs

0:38 min, dals 25.2.2016

Il plaz che la chascha da brevs ha survegnì suenter lez ha per endretg chaschunà discussiuns e malaveglia.

La fermada da posta ad Uors, nua che la chascha da brevs e fermada uschia che betg mintgin po duvrar ella.

Legenda da maletgs: La chascha da brevs montada uschia ha serva betg als convischins da Uors e Surcasti RTR, L. Livers

Ussa è la chascha da brevs dat Uors e Surcasti è montada vid la fermada da posta nova ad Uors. Quai para tut logic ed endretg. Mo sco ella è montada gliez na va betg, manegia Ursula Arpagaus ina convischina d’Uors.

La chascha da brevs è fermada vid ina pitga, dentant en la fallida direcziun. Vul dir sche insatgi vul metter en ina brev sto quella persuna passar en il prà e quai prà è ina scarpa. Per persunas pli passadas ina situaziun in pau difficila.

Ursula Arpagaus è s'empatschar da quest fatg ed ins pudess dir cun success.

Sin dumonda da RTR ha Duri Blumenthal il president da vischnanca concedia che quella ominusa chascha da brevs vegni ussa plazza uschia che ella è cuntanschibla per in e scadin. Ils convischins sa dumondan simplamain daco ch'ins ha betg fatg quai davent da l’entschatta i fiss stà uschè simpel di Ursula Arpagaus.