Siglir tar il cuntegn
cuntegn

Surselva Sur Georg sa senta bain a Mustér

Dapi l’avrigl 2013 è sur Georg Changeth plevon (administratur parochial) da la plaiv da Son Gions a Mustér.

Sur Georg Changeth, plevon da Mustér.
Legenda: Sur Georg Changeth, plevon da Mustér. RTR, H. Giger

El è creschì sin en in vitg en il sidvest da l’India en il stadi federativ da Kerala. Ses geniturs èn catolics e commembers da la baselgia da Thomas. Cun 17 onns saja el sa decidì da daventar spiritual, perquai che ses geniturs sajan stà in fitg bun exempel e perquai che auters spirituals hajan persvadì el.

Glieud acceptian el

Sur Georg ha studegià teologia en l’India ed a Roma. El ha terminà ses studi cun il doctorat en teologia morala. Ses uvestg e l’uvestg da Cuira hajan vulì trametter el a Mustér, ed el haja acceptà quai. Gia durant ses studi a Roma saja el stà duas giadas qua per gidar ora. A l’entschatta saja quai stà in pau difficil d’emprender tudestg e rumantsch simultan. El chapeschia bain rumantsch, el stoppia dentant anc exercitar da discurrer. Mo el sentia che la glieud acceptia el e Mustér saja uss sia patria. El veglia era esser in exempel per ses parochians ed in instrument da Dieu.

Legenda: Guardar il video Sin viseta tar sur Georg. Durada 00:38 minutas.
Or da RTR dals 19.11.2015.