Siglir tar il cuntegn
cuntegn

Surselva Sur Georg Changeth banduna la plaiv S. Gions Mustér

Grazia ad ina cunvegna tranter l'uvestgieu da Cuira e l'uvestgieu da Mavelikkara en il stadi federal Kerala (India), ha Sur Georg savì lavurar dapi l'onn 2013 sco plevon a Mustér. Quella cunvegna è dentant spirada e na vegn betg renovada.

Sur Georg Changeth.
Legenda: Sur Georg Changeth. mad

A la davosa radunanza generala ha la plaiv S. Gions Mustér stuì infurmar ch'il plevon Sur Georg Changeth banduna la plaiv vers la fin avust. El sto bandunar la plaiv, perquai che l'uvestg da Mavelikka en il stadi federal Kerala (India) cloma enavos Sur Georg.

Per la plaiv n'è quai tenor il president Aldo Tuor betg ina gronda surpraisa. La cunvegna tranter ils dus uvestgieus da Cuira e Mavelikka aveva ina durada limitada da tschintg onns, uschia ch'els savevan che quai vegnia a schabegiar in di. La cunvegna na saja uss betg vegnida prolungada, e sur Georg stoppia returnar en l'India. La plazza vegnia uss scritta ora, ed Aldo Tuor spera da chattar in successur enfin la fin d'avust.

RR actualitad 08:00