Siglir tar il cuntegn

Header

Navigaziun

scrittura "Administraziun communala sumvitg"
Legenda: La suprastanza da la vischnanca da Sumvitg resta en globo per realisar la fusiun cun Trun. RTR
cuntegn

Surselva Suprastanza Sumvitg è confermada

Il suveran da Sumvitg ha confermà Armin Candinas sco president communal. Per evaluar il project da fusiun cun Trun resta la suprastanza communala en uffizi – il suveran ha confermà quai.

Part da la suprastanza da Sumvitg fan uschia sper il president Armin Candinas er Giusep Bearth, Robert Candinas, Ignaz Deplazes e Marcus Duff. Plinavant han ils da Sumvitg elegì ina nova cumissiun da gestiun e dus novs commembers da la cumissiun da bajegiar. La participaziun a la votaziun ha muntà a stgars 41%.

Restar per elavurar project da fusiun cun Trun

Cunquai che la suprastanza communala da Sumvitg è gia dapi quatter mais vid elavurar ensemen cun la suprastanza communala da Trun in project da fusiun, haja la suprastanza ponderà da restar vinavant en uffizi. I saja il pli prudent che la suprastanza communala vertenta elavureschia il project da fusiun. Da quest avis saja er l'uffizi da vischnancas, aveva la vischnanca da Sumvitg gia communitgà la fin favrer.

RR novitads 15:00