Il november ha il cussegl da vischnanca pretendì che la suprastanza preschentia fin mez schaner in meglier resultat cun la finamira d’auzar il cashflow sin radund 1 milliun francs. Quai per che la vischnanca possia garantir en l’avegnir il spazi per investiziuns minimalas. Vul dir: La vischnanca ha stuì spargnar in mez milliun francs.
Dapli entradas surtut tras taxas per chanalisaziun e serenera
Sco la suprastanza scriva en ses nov messadi èn las expensas vegnidas reducidas per radund 290’000 francs e las entradas èn s’augmentadas per radund 235’000 francs. La gronda part da las entradas duai vegnir da taxas per chanalisaziun e serenera.