Per Armin Candinas è quai la segunda perioda d'uffizi sco president communal. La radunanza communala da Sumvitg ha er reelegì la suprastanza cun Robert Candinas, Ignaz Deplazes e Marcus Duff. Per il quart sez en la suprastanza communala datti in segund scrutini ils 5 da zercladur.
Plinavant ha ella elegì ils commembers da la cumissiun da quint e gestiun. A quella fan part Claudio Cajacob, Gion Lutz e Rafael Decurtins. Ed en la cumissiun da construcziun èn elegids Eduard Tuor, Erwin Monn, Martin Bundi e Felix Flepp.
La participaziun a l'urna è stada tar 40,1% da la populaziun.
RR novitads 15:00