Siglir tar il cuntegn
Inhalt

Surselva Sumvitg: Nagina via sur Marias

La radunanza communala da Sumvitg ha approvà il preventiv 2018. Però era la nova via tranter Rabius e Surrein e diversas leschas èn stadas sin la glista da tractandas.

Chasa da scola a Sumvitg.
Legenda: La proposta da bajegiar la via tranter Rabius e Surrein sur Marias ha fatg naufragi. RTR

La radunanza communala da Sumvitg ha il venderdi approvà il preventiv 2018. Quel prevesa expensas totalas da 7'074'750 francs. 2'440'700 francs da questa summa èn previs per investiziuns nettas. Totalmain quinta la vischnanca cun in surpli d'entradas dad 815'461 francs suenter resguardar l'amortisaziun.

Pertutgant il pe da taglia sin entradas e facultad ha la radunanza communala decidì da laschar quel sin 105% da la taglia chantunala simpla.

Nova via tranter Rabius e Surrein

In'autra tractanda è stada la via tranter Rabius e Surrein. La proposta da bajegiar la via sur Marias n'è betg vegnida approvada. La radunanza communala è sa decidida d'examinar in'autra varianta, sur Tschuppina.

Nov onn, novas leschas

Ultra da quai ha la radunanza communala approvà

  • la lescha da sepultura e santeri,
  • la lescha davart il provediment d'aua
  • e la revisiun parziala da la lescha davart l'allontanament e la purificaziun da las auas.

RR novitads 07:00