Siglir tar il cuntegn
Inhalt

Surselva Sumvitg: La naiv ha impedì da schubregiar puzs da peschs

Mintg’onn fan commembers da l’uniun da pestgaders da Sumvitg lavur cumina: schubregiar ils puzs. Quella lavur è prevesida sonda, ils 6 da matg.

Evitar che las algas sa derasan

Sco emprim segan ils pestgaders enturn ils dus puzs e taglian las chaglias. Alura vegn la tschiffada schubregiada. E cun ina pumpa a motor vegn tratg natiers l’aua dal Rain per sprizzar ora ils puzs. Per evitar algas vegn tratg ina rait sur ils puzs. I saja l’emprima giada ch’els emprovian quai, di il president da l’uniun da pestgaders da Sumvitg Rivelino Lutz. Mo autras uniuns dovrian era quest sistem, e quel saja sa cumprovà.

Sustegnair la populaziun da peschs

Cura ch’ils peschins èn mess en ils puzs, van ils pestgaders mintga di a dar da magliar ad els. Tenor in program dal chantun possian els trair giu ils peschs e reparter els en flums ed uals, di Rivelino Lutz. Cun questa mesira veglian els sustegnair la populaziun da peschs, ed alura hajan era ils pestgaders plaschair ch’els possian pestgar insatge.

RR actualitad 08:00