Siglir tar il cuntegn
Inhalt

Surselva Success per l’emprima olimpiada d’uffants a Mustér

A Mustér ha l’Uniun da giuventetgna vitg organisà per l’emprima giada in'olimpiada d'enviern per uffants e lur geniturs. Malgrà l’aura han blers fatg part a quella.

Legende: Video Impressiuns da l'olimpiada d'enviern per uffants e geniturs abspielen. Laufzeit 02:00 Minuten.
Or da RTR dals 21.02.2015.

Var 70 uffants e creschids han fatg part a l’olimpiada d’enviern. Il president da l’Uniun da giuventetgna vitg, Flavio Deflorin, è fitg cuntent cun questa participaziun. L’intent da l’olimpiada è da motivar ils uffants da sa muventar e far sport d’enviern. Tar 10 posts han ils uffants e creschids pudì rimnar puncts. Uschia per exempel cun dar minigolf sin naiv, tschertgar in apparat da tschertgar disgraziads en lavinas, u ruschnar cun in satg da rument uschè lunsch sco pussaivel.

Laud per la giuventetgna

Tant als uffants sco als geniturs ha l’occurrenza plaschì fitg bain. Ils geniturs han ludà l’iniziativa e l’engaschament da la giuventetgna che ha mess a disposiziun lur temps per ils uffants. Schebain i vegn a dar ina segunda ediziun n’è betg cler, ha Flavio Deflorin ditg. Quai dependia sch’el chattia avunda commembers da l’uniun ch’èn pronts da sa gidar.