Siglir tar il cuntegn

Header

cuntegn

Surselva Success per il SKJF

Quatter dis ha il Festival svizzer per chors da giuvenils ed uffants cuzzà. El è ì a fin cun in concert la dumengia da mezdi

Varga 1’000 chantadurs e chantaduras han concertà en salas, sin via ed en differentas baselgias. Varga 1’000 aspectaturs han visità ils quatter concerts gronds en il center da sport a Mustér. Ils numerus aspectaturs en las baselgias e per las vias ha nagin dumbrà.

Ina retscha da mattatschas che tegn ad aut la tastga che auta tir igl equipament dil festival
Legenda: Ils chors d'uffants han procurà per buna luna a Mustér RTR, L. Livers

Las fatschas rientas ed il chant spontan dapertut nua che ils uffants e giuvenils s’entaupan mussa che il festival è sta in success.

Per l’emprima giada ha il festival gì lieu en ina regiun muntagnarda. Fin qua eran ils festivals stads en las citads Turitg, Schaffusa, Losanna e Son Gagl.

Era la malaura dal venderdi n’ha betg disturbà il festival. Ils organisaturs han gì en quala lavur dapli pervia dal fraid. Per exempel hai duvrà dapli transports ed il té è stà bavronda preferida per vegnir a chaud.

audio
Bunura: Success per il 5avel SKJF
ord Actualitad dals 18.05.2015.
laschar ir. Durada: 3 minutas 23 Secundas.

Il proxim Festival svizzer per chors da giuvenils ed uffants ha lieu il 2017 a Lugano. Là gioga la crema da sulegl alura forsa ina pli gronda rolla che a Mustér.

Artitgels legids il pli savens