Siglir tar il cuntegn
cuntegn

Surselva Success dubel per Helvetia Nostra en Surselva

A Mustér vegn ina surbajegiada franada ed a Breil sto anc ina giada vegnir ì sur ils cudeschs pervi d'in project da segundas abitaziuns.

Vista da la Surselva.
Legenda: La Dretgira administrativa aveva abolì la lubientscha da bajegiar per il project ad Acletta il settember 2014. MAD

A Mustér fa il project per la surbajegiada d'abitaziuns da vacanzas ad Acletta naufragi. Il Tribunal federal ha abolì la lubientscha da bajegiar ed ha uschia dà raschun a l'organisaziun Helvetia Nostra.

Il patrun da la parcella èn las pendicularas da Mustér. Ellas levan bajegiar chasas d'ina e pliras famiglias ad Acletta. La Dretgira administrativa dal chantun Grischun aveva gia acceptà il recurs da Helvetia Nostra.

Lubientscha era scadida per project «Tgariel»

Er en la vischnanca da Breil ha Helvetia Nostra gì success cun in recurs. La Dretgira administrativa dal chantun Grischun sto anc ina giada ir sur ils cudeschs pervi dal project per abitaziuns secundaras a Tgariel. Quai ha decis la Dretgira federala a Losanna.

In problem è tranter auter la lubientscha da bajegiar ch'era scadida, cunquai ch'i n'è betg vegnì construì las abitaziuns aifer 1 onn. La dretgira fa uschia allusiun a l'iniziativa da segundas abitaziuns.

RR novitads 12:00