Siglir tar il cuntegn

Header

cuntegn

Surselva Stgars en il nair - il preventiv 2017 da la Lumnezia

Il preventiv 2017 da la vischnanca da Lumnezia prevesa in gudogn da radund 11'130 francs. El è vegnì approvà il venderdi saira da la radunanza communala.

Il preventiv mussa per il 2017 custs da 15’606’320 francs ed in retgav da 15’617’450 francs. L’onn 2017 investescha la Lumnezia a Vella 4,8 milliuns francs en la surfabricaziun Palius cun butia, pratica da medi ed abitaziuns. A quella investiziun sajan dad attribuir il grond surpli d’expensas – che munta ad in total da 9,858 milliuns envers entradas dad 1,149 milliuns francs, scriva la vischnanca da Lumnezia.

La radunanza communala ha decidì da laschar il pe da taglia sco il 2016: Er per l’onn 2017 vala dimena in pe da taglia da 105% da la taglia chantunala simpla sin entrada e facultad.

Ils Lumnezians han ultra da quai approvà la lescha da chavar cristals e minerals da la vischnanca e la cunvegna da prestaziun cun la Regiun Surselva pertutgant il center da furmaziun.

RR novitads 06:00

Artitgels legids il pli savens