Siglir tar il cuntegn

Surselva Stefan Schmid vinavant president communal da Val S. Pieder

La radunanza communala da Val S. Pieder ha confermà il president communal en ses uffizi.

Stefan Schmid, il president communal da Val S. Pieder.
Legenda: Stefan Schmid, il president communal da Val S. Pieder. Keystone

Val Sogn Pieder vegn vinavant tgamunà da Stefan Schmid. Il venderdi saira ha la radunanza communala reelegì Schmid cun 130 vuschs sco president communal da Val – quai tar ina maioritad absoluta da 75. Da nov part da la suprastanza da Val Sogn Pieder fa Yvonne Kern - ella remplazza Erika Furger ch'aveva demissiunà. Confermads èn ils ulteriurs suprastants Daniel Berni, Ralf Brot e Hedwig Capaul-Peng.

La cumissiun da gestiun vegn nov presidiada da Patrick Loretz. Sco commembers da la cumissiun è Sokrates Truffer vegnì confermà e Andreas Oesch vegnì elegì nov. Sco nov president dal cussegl da scola è Roman Schmid vegnì elegì. Confermada è vegnida Jolanda Tönz-Berni e sco novs commembers cumpletteschan Claudia Jörger, Rafaela Illien e Theo Vieli il cussegl da scola.

RR novitads 06:00