A Sursaissa na datti quest onn nagina Opera Viva. Sin fundament da la situaziun actuala e da las mesiras da precauziun en connex cun il coronavirus ha l'organisaziun decidì da spustar las preschentaziuns da questa stad. Sin fundament da las mesiras dal Cussegl federal na dettia il mument naginas directivas liantas cura ch'occurrenzas grondas sajan puspè pussaivlas.
Malgrà che las emprovas per l'opera «Semiramide» hajan cumenzà ad uras, chaschunia l'interrupziun dad uss ch'i saja nunpussaivel da realisar ina tala opera cun la qualitad giavischada. Planisà è uss che l'opera «Semiramide» da Gioacchino Rossini vegn preschentada la stad 2021 tranter ils 30 da fanadur ed ils 14 d'avust.
Ord l'archiv
L'entschatta avrigl trenavan anc tuts a chasa:
audio
Opera viva sto far pausa
ord Actualitad dals 07.04.2020.
laschar ir. Durada: 2 minutas 31 Secundas.
