Siglir tar il cuntegn
Inhalt

Surselva «Städtlifest» Glion: Cun «CasaCar» fin a Cuira

S’entupar e far festa, per quai datti il «Städtlifest». La festa da la citad da Glion è quest onn per la 24avla giada. Insatge ch'ha caracterisà quels 24 onns è, che la festa è restada per amur da la festa e la sentupada. La festa n'è strusch creschida.

Era quest onn datti betg dapli purschidas ch'auters onns. Per metter a chasa ils utschels da la notg, han ils organisaturs dal «Städlifest» gia dapi intgins onns il «CasaCar». Quai è ina purschida da la posta ch'è sa cumprovada.

Quest onn maina il bus la glieud fin a Domat e Cuira. Ils ultims onns era crudà en egl ch'adina dapli glieud vegniva ord la regiun da Cuira a far festa a Glion. Quai haja dà l'impuls d'introducir il «CasaCar» fin Cuira.

La festa na viva betg da l'innovaziun, mabain da la sentupada e dal lieu sco tal.
Autur: Armin SpeschaVicepresident e responsabel per il marketing

Tut las trais lingias per la Surselva restan sco fin qua. Quai vul dir, ch'ils da la Cadi, da la Lumnezia, da Ladir, da Versomi, da Val, d'Andiast e da Sursaissa pon vinavant quintar cun il servetsch da «CasaCar» durant la festa da la citad da Glion.

La fin d'emna èsi uschè lunsch. A Glion spetg'ins da quai da 10'000 visitaders. Armin Spescha, il vicepresident dal comité d’organisaziun ha manegià ch'ins spetgia betg exnum bler dapli glieud, pervia da la nova purschida cun il bus fin Cuera.

RR actualitad 07:00