Siglir tar il cuntegn

Header

cuntegn

Surselva «Städtlifest è stà in success»

Malgrà ch'i ha gì damain visitaders il venderdi saira - ils organisaturs dal Städtlifest a Glion èn cuntents cun la festa.

«Venderdi saira èsi stà in zic fraid e perquai na d'eran betg uschè bleras persunas en las giassas», di Armin Spescha dal comité d'organisaziun dal Städtlifest a Glion. Persuenter è la sonda stada fitg bain visitada ed i saja stà ina buna atmosfera.

Er il traffic n'haja betg chaschunà problems, malgrà ch'in dals parcadis usitads, il prà da la posta, è stà serrà perquai ch'el vegn surbajegià. Ils organisaturs han gì organisà in nov areal da parcar. Dad avrir il nov sviament per la fin d’emna da festa na saja betg stà ina opziun, di Armin Spescha plinavant, i haja bain dà bler traffic, dentant en il rom sco da mintga autra occurrenza en la citad sco per exempel er tar fieras regularas.

RR novitads 12:00

Artitgels legids il pli savens