Siglir tar il cuntegn
Inhalt

Surselva Spital Glion: chombras adattadas al temp

Las chombras dal spital regiunal a Glion vegnan adattadas als basegns d’ozendi. Dapi 1986 cura ch’ins ha retratg il nov spital n’èn quellas numnadamain betg vegnidas midadas. En il futur han tut las chombras duscha e tualetta.

Cumparegliaziun dal maletgs

Stuschar reglader a sanester Stuschar reglader a dretg
Legenda: Ina stanza dal spital da Glion avant e suenter la sanaziun.

En trais etappas sanescha il spital da Glion fin 2017 las chombras. En l’emprima etappa en ussa 14 chombras vegnidas sanadas. Or da las chombras da quatter datti chombras da trais. Persuenter ha mintga chombra da nov duscha e tualetta. Las lavurs vegnan mintgamai fatgas davent da l’avrigl fin il november. Las lavurs che ch’èn calculadas cun 2,7 milliuns pon vegnir finanziadas cun agens meds finanzials dal Spital regiunal Surselva, declera il manader dal spital, Urs Kellenberger. Uschia na dovria quai naginas daners da las vischnancas purtadras dal spital per far la sanaziun.

Damain chombras

Damai che la durada da la dimora dals pazients sa reduceschia, saja la reducziun da 80 sin la finala 57 letgs betg in problem, ha ditg Urs Kellenberger. 90% da las lavurs han pudì vegnir surdadas a fatschentas en Surselva.

Cumparegliaziun dal maletgs

Stuschar reglader a sanester Stuschar reglader a dretg
Legenda:La duscha avant e suenter la sanaziun