Siglir tar il cuntegn
Inhalt

Surselva Spezialista per chattar statists

2016 vegn il nov tunnel dal Gottard avert. En quest connex producescha la televisiun svizra in film sur dal emprim tunnel dal Gottard e tschertga per quai 500 statists.

Legende: Video A Cuira ha la chatscha cumenzà - sin statists per ina producziun da film abspielen. Laufzeit 02:15 Minuten.
Or da Actualitad video dals 20.07.2015.

Per mussar in maletg realistic dal temp avant 135 onns, dovri ina massa statists. Radund 500 persunas, cunzunt umens che giogan el film per exempel miniers sin il plazzal dal Gottard. Chattar 500 statists n'è dentant betg simpel. Perquai datti spezialists che na fan nagut auter che tschertgar statists per reclamas, videos e films. Ina da quellas spezialistas è Jessica Hefti (25). Ella lavura dapi 4 onns sco assistenta da reschia, ed ha gia organisà plirs castings.

Persunas interessadas vegnan fotografadas per la banca da datas da statists.
Legenda: Persunas interessadas vegnan fotografadas per la banca da datas da statists. RTR, C. Albin

Motivaziun è il pli impurtant

Tenor Jessica Hefti è la motivaziun da daventar statist il pli impurtant. La persuna na sto betg correspunder exact al tip da persuna tschertgà, ed ella na sto era betg avair experientscha sco actur ni actura. Sminca e vestgadira istorica sajan era fitg impurtants per crear ina atmosfera realistica. Per ils radund 500 statists dal film sur dal Gottard tschertga ella umens robusts da tuttas vegliadetgnas. Persunas adattadas, ch'èn prontas da daventar statist, vegnan fotografadas e registradas en ina banca da datas.

Casting anc betg finì

Jessica Hefti reparta era placats per chattar las gistas persunas.
Legenda: Jessica Hefti reparta era placats per chattar las gistas persunas. RTR, C. Albin

Sper ir sin via a la tschertga da persunas adattadas per il film, ha Jessica Hefti era anc organisà differents castings per persunas interessadas. Ils proxims 2 castings han lieu mesemna ils 22 da fanadur a Cuera, e gievgia ils 23 da fanadur a Flem. Filmà vegn il film davent dal 1. da settember enfin ils 2 d’october a Valendau.