Il chapitel da las soras dominicanas da Glion han elegì lur nova priura generala. Annamarie Müller (51) vegn a manar las soras durant ils proxims sis onns. Ella remplazza Sora Eugenia Jörger ch’è stada ils ultims 12 onns priura generala. En il chapitel èn ultra da quai vegnidas elegidas sora Maria Esther Küttel, sora Armina Maissen, sora Monika Hüppi e Sora Miriam Ribeiro.
La claustra da Glion è vegnida fundada 1856 dal plevon Johann Fidel Depuoz. 1894 è la claustra sa colliada cun l’urden dominican. Las soras èn era activas en l’Austria, la Germania, la China, Taiwan e Brasilia. La cuminanza da las soras dominicanas da Glion dumbra actualmain 153 soras.