Adina damain famiglias vulan percunter visita dal Son Niclà, e las uniuns da giuventetgna che porschan en ils vitgs il servetsch da Son Niclà han stentas da chattar commembers ch’èn pronts da sa participar e da far da San Niclà. Uschia va l’usit dal Son Niclà en regress.
A Mustér pertutgass la perdita da l’usit tut la populaziun perquai che las gruppas da Son Niclà dals quartiers èn presentas cun lur activitads en il vitg, en las ustarias, en baselgia ed en auters lieus. Qua na savess nagin remplazzar ils giuvens sche quels na chattassan betg avunda commembers per far Son Niclà.