Suenter che Hans Kaspar Schwarzenbach aveva dà enconuschent sia demissiun a la fin da l'onn aveva cuzzà in mument da chattar in remplazzament adattà. Cun Simona Barmettler è la suprastanza uss dentant persvadida d'avair chattà la candidata ideala. D'ina vart hajan els vulì ina persuna scolada sin il sectur e da l'auter vart ina persuna che viva en la regiun e na vul betg bandunar il territori memia spert. Simona Barmettler saja perquai ina candidata da siemi, ha la presidenta Corinne Staub ditg.
La nova directura ha 27 onns ed è spezialista d'hotellaria. Sias ragischs ha ella en il chantun Zug, nua ch'ella ha er cumenzà sia carriera professiunala. L'onn passà ha ella lura fatg il pass vers il Grischun ed ha cumenzà a lavurar tar Grischun Vacanzas. En questa funcziun ha ella gia ses emprim contact professiunal cun Sedrun Mustér Turissem: ella ha surluvrà il marketing. Gia là la saja dà en egl quant multifara che la destinaziun saja.
Jau ma legr fitg sin la nova sfida e tschertg gia in'abitaziun.
RR novitads 18:00