Siglir tar il cuntegn
Inhalt

Surselva Servetsch divin rumantsch per l'entira Svizra – Live da Glion

En il rom da las festivitads per 500 onns Refurmaziun emettan SRF, RSI e RTS questa dumengia live da Glion. Ils emetturs quintan tar quest'emissiun cun 30'000 enfin 70'000 aspectaturas ed aspectaturs.

La baselgia sontga Margareta a Glion.
Legenda: Ord la baselgia sontga Margareta a Glion vegn emess il predi da la dumengia da Tschuncaisma. RTR, Linus Livers

In dals puncts culminants da las festivitads da 500 onns Refurmaziun a Glion è la dumengia da Tschuncaisma: En la Baselgia da sontga Margareta vegn festivà il servetsch divin evangelic-refurmà. Pli extraordinari è, che quai servetsch divin vegn celebrà en trais linguatgs: En rumantsch, tudestg e talian.

Ed anc pli spezial...

Il servetsch divin vegn er emess directamain en la televisiun, numnadamain sin SRF1, RSI e RTS. Sin tut ils canals mintgamai cun ina translaziun simultana.

La translaziun dovri, perquai che Ser Jan-Andrea Bernhard, il plevon da Vuorz e Schnaus, fa ses predi per rumantsch. El vegn accumpagnà da la plevonessa da Glion Maria Wüthrich.

Cumpareglià cun ina dumengia ordinaria èn las preparaziuns per quest predi prest in auter mund.
Autur: Jan-Andrea BernhardPlevon Vuorz Schnaus

Che gist Ser Bernhard ha la quaida da far quai predi la dumengia ha da far cun il fatg, ch'el maina la gruppa da lavur REFO 500. Quella organisescha a Glion las festas en connex cun il giubileum da 500 onns refurmaziun.

In'anecdota tar il predi

Cur che Ser Bernhard ha preparà ses predi, ha el scrit quel per rumantsch ed inoltrà quai a SRF. Da Turitg ha el alura survegnì il resun, ch'el stoppia dar giu il text scrit per tudestg, e betg per rumantsch. Mo uschia possian els far la translaziun per talian e franzos.

RR actualitad 07:10

Predi LIVE

Il predi triling la dumengia da Tschuncaisma, a partir da las 10:00