Siglir tar il cuntegn

Header

Navigaziun

La Sennaria Surselva
Legenda: La Sennaria Surselva RTR, H. Giger
cuntegn

Surselva Sennaria Surselva: Da 8 ad 11 collavuraturs

Cun la fin da 2016 vegn la chascharia a Savognin serrada. A partit da l’auter onn vegn il latg transportà en la Sennaria Surselva a Mustér. Quai ha la Bergsenn SA decidì.

Elavurà 50 % dapli latg

La Sennaria Surselva profitescha da questa midada. Sco il manader da fatschenta da la Bergsenn SA Marcel Singer di dettia 3 plazzas supplementaras a Mustér (da 8 ad 11 collavuraturs). Ed i vegn era producì dapli: Enstagl da 3 vegnan da nov 4 chalderas emplenidas cun latg-vatga. Quai vul dir: Enstagl da 5 milliuns liters latg vegni elavurà 7 fin 8 milliuns (ca. 50% dapli). La gronda part dal latg - ca. 80% - vegn furnì da purs da la Surselva.

Investì passa 500'000 francs

La Sennaria Surselva exista dapi 2013. Sco Marcel Singer di, hajan els investì là fin uss passa 500’000 francs; ed els hajan era fatg mintg’onn gudogn. Cun la midada da Savognin na stoppian els investir nagut, els possian nizzegiar il potential.

9 persunas a Savognin perdan plazza

Sco Marcel Singer ha confirmà a RTR vegnan las 3 novas plazzas a Mustér occupadas cun collavuraturs da Savognin. Dals ulteriurs 6 collavuraturs, en tut lavuravan 9 persunas en la chascharia da Savognin, han 4 gia chattà ina nova plazza. Sulet 2 persunas sajan anc senza plazza.

RR novitads 06:00