Sonda, ils 24 da zercladur 2017 vegn votà a Vuorz ed Andiast sur da la fusiun cun Breil. Vuorz ed Andiast voteschan en ina radunanza communala sur da questa dumonda ed a Breil vegn votà a l’urna. L’urna a Breil è averta fin la dumengia ils 25 da zercladur a las indesch.
1 / 3
Legenda:
Per Breil èsi l'emprima giada ch'il suveran votescha sur da la fusiun cun Vuorz ed Andiast.
RTR, Marianna Demont
2 / 3
Legenda:
La davosa giada era il traffic atras Vuorz daventà il crap da stgarpitsch.
RTR, Linus Livers
3 / 3
Legenda:
Andiast aveva detg gea a la fusiun l'onn 2012.
RTR, Linus Livers
Quai è la segund'emprova per fusiunar Breil Vuorz ed Andiast. L’emprima emprova l'onn 2012 n'era betg gartegiada. Vuorz aveva detg na cun 110 encunter 101 vusch ed uschia cupitgà la fusiun. Silsuenter aveva Breil betg stuì votar pli.
