Siglir tar il cuntegn
cuntegn

Surselva Segirà la «Posta Veglia» per il vitg

La vischnanca da Schluein cumpra l'ustaria Posta Veglia, la davosa ustaria en vischnanca. Il suveran da Schluein ha sustegnì cleramain la proposta da la suprastanza.

L'ustaria Posta Veglia a Schluein
Legenda: L'ustaria Posta Veglia sa chatta amez il vitg da Schluein. RTR, Carlo Albin

Sco proponì da la suprastanza da Schluein, ha la radunanza communala da venderdi saira acceptà la fatschenta. Quai cun 44 gea e nagins na, ed in'abstenziun dal possessur da l'ustaria. La vischnanca paja 520'000 francs per l'ustaria.

Finamira giagliarda

L'intent da la vischnanca è da segirar ils locals da l'ustaria, avant che terz cumpran l'object e nizzegian quel per in auter intent. Sco proxim elegia la suprastanza communala ina cumissiun, quella duai elavurar concepts per realisar ina nova ustaria. La finamira è da puspè pudair avrir l’ustaria da Nadal u da Silvester da quest onn.

RR novitads 22:00