Siglir tar il cuntegn

Header

cuntegn

Sedrun Residenza Dulezi: Anc betg terminada e quasi gia occupada

Avant passa in onn han las lavurs da la residenza da seniors entschet. Uss èn fatgas la part dal betun, la construcziun da mir e la garascha sutterana. Sco proxim ston ils lavurers construir la fatschada da lain ed isolar il tetg. Alura suondan las lavurs internas.

audio
Bunura: Tujetsch – 12 abitaziuns gia affittadas
ord Actualitad dals 13.08.2019.
laschar ir. Durada: 2 minutas 14 Secundas.

Sco Renato Decurtins, il gerant d’economia e da turissem da la vischnanca da Tujetsch, ha ditg, hajan cussadents gia reservà 12 da las 16 abitaziuns da 1 ½, 2 ½ e 3 ½ stanzas. Las duas abitaziuns da 4 ½ en il plaunterren vegnan laschadas a tschains a famiglias. Sche tut va sco previs san els retrair las abitaziuns l’avrigl 2020.

In project da 11 milliuns francs

La residenza da seniors Dulezi a Sedrun ha tschintg auzadas ed ina garascha sutterana.

localitad da fatschenta anc en construcziun
Legenda: En quest sectur vegn la Banca Raiffeisen. RTR, Hubert Giger

En il plaunterren vegn la Banca Raiffeisen, ina cafetaria ed ina stanza da cuminanza. Il project custa radund 11 milliuns francs. La residenza vegn manada da la Residenza Dulezi SA, acziunaria principala è la vischnanca da Tujetsch.

RR actualitad 07:00

Artitgels legids il pli savens