Record: 1,80 meters
Nina Levy ha era adina puspè communitgà ses resultats a las pendicularas ubain a La Gasetta Romontscha ed ad RTR. Avant chasa a Sedrun ha ella installà ina latta da trais meters ed ina platta pitschna fina da 50 sin 50 centimeters. Cun la latta mesira ella l’autezza da la naiv. Il record da fin uss: 1,80 meters. Cun la platta mesira ella la naiv nova. Ils resultats trametta ella mintgamai la damaun a l’Institut per la perscrutaziun da la naiv e lavinas a Tavau.
Engaschi dapi varga 40 onns
Cumenzà cun questa lavur ha ses um l'onn 1975, cura ch’el saja vegnì survegliader da chatscha. Ma el n'haja mai propi gì plaschair da questa lavur, e perquai haja ella surprendì ella il proxim onn. A l’entschatta avevan els in formular cun inditgar tut las cifras e telegrafar ellas ubain trametter ils resultats cun il telefon.
L’aura è il hobi da la Nina Levy, perquai vegn ella era numnada la «Nina da l’aura»:
L’aura è insatge che fascinescha mai. Jau sun in uman da la natira. Jau fatsch stim mintga di tge che l’aura fa.
RR actualitad 11:00