Siglir tar il cuntegn

Header

audio
Mezdi: Carta da giasts light
Or da Actualitad dals 05.12.2019.
laschar ir. Durada: 3 minutas 8 Secundas.
cuntegn

Sedrun Mustér Turissem Uss datti tuttina ina carta da giasts

Sedrun Mustér turissem vuleva abolir la carta da giasts. Il motiv èn ils custs per las purschidas gratuitas, di Silvio Schmid il president.

Reacziuns da possessurs d’abitaziuns

Surtut ils possessurs d’abitaziuns da vacanzas hajan reagì sin l’annunzia da betg porscher l’enviern pli in carta da giasts. Alura sajan ins sa cunvegnì da tuttina porscher ina carta reducida cun pliras purschidas. La viafier Matterhorn-Gotthard na saja dentant betg integrada pli, di Silvio Schmid. Ma cunquai che la purschida da viafier saja integrada en la carta da las pendicularas Andermatt-Sedrun-Mustér, na saja quai probabel nagin problem per il giast.

Discurs cun vischnancas

Cun las vischnancas da Tujetsch e Mustér hajan ins gia gì contact e discutà sur da la purschida, qua sajan tuts conscients ch’ì saja necessari da trair vi dal medem sughet. Era a contactar vegnian ins las uniuns dals possessurs da segundas abitaziuns ed era la gastronomia. Sco Silvio Schmid di saja la finamira da porscher sin l’auter onn ina carta surlavurada e uschia pudair cuntentar tuts.

RTR actualitad 12:00

Artitgels legids il pli savens