Per l'organisaziun Sedrun Mustér Turissem SA sajan las contractivas stadas dictadas dal preventiv che na lubeschia nagins sigls finanzials. Quai ha ditg Simona Barmettler la manadra da la organisaziun en connex cun la carta da giasts senza la viafier regiunala tranter il Grischun ed il chantun Uri.
Ina attracziun pli pauc
Senza la Viafier Matterhorn-Gottard saja la carta main attractiva conceda ella. Els sajan però gia en contractivas cun la viafier per l'onn proxim. Vinavant part da la carta d'osps èn las pendicularas da Mustér, Sedrun ed Andermatt. Quella purschida vala dentant mo per osps da hotels, betg per indigens e mo limitadamain per possessurs da segundas abitaziuns.
Ultra da quai vegnan ils osps en la regiun era questa stad a pudair far diever da differents rabats sco per il Bogn Sedrun u per il Center da sport e cultura a Mustér.
