Siglir tar il cuntegn

Header

Navigaziun

A Sedrun fa in placat attent a la fevra da schlaghers.
Legenda: A Sedrun fa in placat attent a la fevra da schlaghers. RTR, Hubert Giger
cuntegn

Sedrun Fevra da schlaghers cuzza mo in di

Cumenzà han ils dis da schlagher 2015 ad Andermatt e suenter a Dieni/Sedrun 2016 e 2017. Quels han dentant laschà enavos cifras cotschnas, e quai vulan ils organisaturs evitar questa giada.

Silvio Schmid discurra dad in desaster finanzial, sch’el guarda enavos sin l’istorgia dals dis da schlagher. El è en il comité d’organisaziun e president da l’uniun Events Tgina dal Rain. La fevra da schlaghers 2019 a Sedrun saja l’emprim eveniment che l’uniun organiseschia. E quel duai esser pli pitschen.

Enstagl dad ina tenda è quel en halla polivalenta Dulezi. L’eveniment cuzza in di respectiv ina saira (Andermatt trais dis, Dieni dus dis). Il preventiv munta a ca. 80’000 francs (ex. Dieni 2016: preventiv da passa 350’000 francs). Sco Silvio Schmid di speran els che 500-550 persunas vegnian als concerts. Quels cumenzan da las 19:00. Ils musicists èn:

  • Francine Jordi
  • Cristina Maria Sieber
  • Diana
  • Vincent Gross
  • Die Jungfidelen
  • Zipfelbuben

RR actualitad