Siglir tar il cuntegn

Surselva Sedrun: Dapli spazi per las bovas da la Val Strem

Igl è probabel che la bova dals 14 da mars 2016 n'è betg in cas unic: Ella era vegnida cun passa 200’000 meters cubic material. Per tegnair en frain tals cas duai uss vegnir fatg plaz.

En il conturn nua ch’il aual Strem sbucca en il Rain Anteriur vegnan construids tschintg rempars: Dus da circa dus meters (da vart dretga dal Strem) èn gia fatgs cun crappa e terratsch. Dus ulteriurs vegnan fatgs proximamain ed il mument è in trax vid chavar si il rempar da vart sanestra da l’aual.

Sco quai ch'il responsabel dal project, l’inschigner forestal Dumeni Cavegn, declera vegnia quest rempar schlargià per circa tschintg meters. Quai per dar spazi al material dad ina bova per ch’ins pudess alura era prender davent quel.

Proteger plirs bajetgs

Questas mesiras duain proteger la serenera da la vischnanca da Tujetsch ed ils bajetgs da la Axpo, da las Ovras electricas Rain Anteriur e da la energia alpina. Ils 5 rempars custan tranter 160’000 – 170’000 francs.

RR actualitad 08:10