Siglir tar il cuntegn

Surselva Scolaras e scolars da la Lumnezia fan circus

En il rom dad in'emna da project han las duas scolastas Claudia Flury e Riccarda Caduff da la scola a Vella organisà il circus Balloni.

Legende: Video Circus Balloni - scolars Lumnezians fan circus abspielen. Laufzeit 2:08 Minuten.
Dals 22.04.2016.

Durant quest’emna pon ils uffants da l’emprima e la segunda primara da Vella trenar da far clowns ubain d’esser in auter artist. Ils scolars èn fitg motivads, quai dian la scolasta Riccarda Caduff sco era l’animatur e profi-schonglader Florian Krähenbühl dal circus Balloni. Il circus Balloni datti dapi 25 onns e dapi 20 onns lavura Florian Krähenbühl cun scolars.

Plaschair e promover l'aspect social

La finamira principala saja d'avair plaschair e da pruvar insatge nov ubain novas abilitads. La segunda finamira saja da mussar ina bella preschentaziun, di Krähenbühl.
Per la scolasta Riccarda Caduff datti era in aspect social, perquai ch'en quest project lavurian duas classas ensemen.

La finala dattan scolaras e scolars duas represchentaziuns venderdi saira ils 22-04-2016 da las 17:00 ed a las 19:30.