Siglir tar il cuntegn

Header

Navigaziun

cuntegn

Surselva Scola auta d'art Turitg expona a Vuorz

Durant in'emna da project han las studentas ed ils students producì differentas ovras d'art. Lur motto è stà «In grond crap en miu curtgin – A big rock in my garden».

Legenda: Guardar il video Vuorz duai purtar inspiraziun. Durada 03:06 minutas.
Or da Telesguard dals 14.03.2019.

Durant quest'emna èn 14 studentas e students da la Scola auta turitgaisa d'art sa fatschentads cun il vitg da Vuorz. Ils resultats da lur impressiuns èn da vesair en la chasa da scola a partir dals 14 da mars.

Il motiv che las studentas ed ils students da la Scola auta turitgaisa d'art han gist elegì il vitg da Vuorz per lur dimora è Rafael Summerauer. El è sa participà al curs ed enconuscha il vitg da Vuorz neu da dimoras regularas tar ses tat e sia tatta.

Ils students e las studentas frequentan il curs da bachelor «art e medias» cun il focus principal sin la fotografia. La gruppa è sa fatschentada cun ils fastizs istorics en il vitg, sco era cun la populaziun e la vita da mintgadi.

RR actualitad 17:00