Siglir tar il cuntegn
Inhalt

Surselva Schoch banduna «Waldhaus»

L'hotel da 5 stailas «Waldhaus» a Flem dovra in nov directur, damai che Peter Schoch a bandunà ses post.

peter schoch
Legenda: Peter Schoch banduna puspè l'hotel «Waldhaus» a Flem suenter bun 1 onn e mez a la testa operativa. mad

Peter Schoch haja bandunà ses post sin agen giavisch e tenor cunvegnientscha cun ils possessurs «Z Capital Partners», conferma il responsabel da medias da l'hotel al «Bündner Tagblatt». Fin che la successiun è reglada, vegn il Waldhaus manà ad interim d'ina squadra interna ensemen cun la direcziun. Peter Schoch stettia però vinavant a disposiziun en funcziun consultanta.

Peter Schoch ha dirigì l'hotel Waldhaus a Flem a partir dal 2016 durant in temp da grondas renovaziuns per radund 40 milliuns francs, e la reavertura avant var in onn. Gia lura aveva el signalisà da vulair sa retrair da la funcziun operativa a media vista. Cunquai che la tschertga d'ina successiun saja uschè avanzada, haja Schoch bandunà l'hotel gia glindesdi passà.

RR novitads 06:00