Sco quai ch’il president da la cumissiun da manaschi dal center, Clemens Berther ha ditg ad RTR saja quai stà ina surpraisa che Herbert Schmelzer dettia gia giu la plazza, be var dus onns suenter ch'el ha surpiglià quella. La raschun per dar giu la plazza saja, che la dunna da Herbert Schmelzer n’ha betg chattà ina plazza interessanta en la regiun.
Definir il profil
Ussa sto la cumissiun da manaschi ir sur ils cudeschs, e far ponderaziuns tge profil ch'il nov manader dal center duai avair. Tenor Clemens Berther saja da far ponderaziuns tge valurs che sajan las pli impurtantas. Quai en vista a la sanaziun dal center ch'è en preparaziun, sco era en vista al resort Catrina che vegn avert per part la fin 2018, ed era pervi dals novs plans per il hotel Acla da Fontauna. Uschè spert che questas ponderaziuns èn fatgas vegn la plazza scritta ora.
RR novitads 17:00