Surselva - Schluein: Senior sparì da Siat è vegnì chattà mort
L’um da 94 onns, ch’era sparì dapi la fin da matg a Siat, è vegnì chattà mort la mesemna en vischinanza da Schluein. Quai communitgescha la polizia chantunala.
La sonda, ils 27 da matg, era l’um partì a pè da Siat en direcziun Ruschein/Ladir. L’ultima giada era el vegnì vesì sin la via veglia curt avant Ladir. La tschertga da quella giada era invana.
La mesemna è la polizia vegnida infurmada dad ina dunna, che gieva a spass, ch’ella haja chattà tar la cascada en la val Schluein in um mort. Las investigaziuns han mussà ch’i sa tracta dal senior sparì.