Siglir tar il cuntegn

Surselva Schluein – La «Posta Veglia» vegn sanada

A la radunanza communala da venderdi saira han ils vischins da Schluein concedì in credit da 750'000 francs per quest intent.

L'ustaria Posta Veglia a Schluein.
Legenda: L'ustaria Posta Veglia a Schluein. RTR, Carlo Albin

L'ustaria Posta Veglia a Schluein po vegnir sanada per 750'000 francs. La radunanza communala da Schluein ha approvà il venderdi saira in credit correspundent. Ulteriurs 50'000 francs per la renovaziun surpiglia la fundaziun da burgais. Tant l'interiur sco er la fatschada da l'ustaria vegnian renovads. Ultra da quai survegnia l'ustaria ina nova terrassa. La reavertura da l'ustaria dal vitg è planisada per il november da quest onn.

Sco la gasetta Südostschweiz rapporta en pli, ha la vischnanca er gia chattà in ustier. I saja in giuven schef da cuschina ch'è oriund da la Surselva. ll futur ustier lavuria actualmain anc en in manaschi pli grond. Il num da quel ha la vischnanca anc betg pudì tradir.