Siglir tar il cuntegn
Inhalt

Surselva Schluein – co vinavant cun la Posta Veglia?

Per che la davosa ustaria a Schluein na vegnia betg serrada ha la radunanza communala decidì da cumprar ella il matg passà. Ils plans per la sanaziun totala n'èn dentant anc betg sin maisa. Quels vul la vischnanca preschentar l'entschatta 2018.

L'ustaria Posta Veglia a Schluein.
Legenda: L'ustaria Posta Veglia vegn uss renovada e duai avrir l'atun 2018. RTR, Carlo Albin

La Posta Veglia duai restar in'ustaria dal vitg – quai è l'ordra che l'architect Linus Weishaupt ha survegnì da la gruppa da lavur communala. Uschia èsi previs da renovar l'entira ustaria e la sala cun ina cuschina moderna ed ina terrassa pli gronda en il curtin davos l'ustaria.

Custs da renovaziun betg enconuschents

Ils custs totals per la renovaziun n'èn dentant anc betg clers. Sco il president communala Bruno Wellinger ha ditg, veglian ins preschentar ils plans en detagl tar la proxima radunanza communala il 2018. Lura duai era vegnir votà davart il credit, uschia il president. A partir dal schaner vul la vischnanca gia cumenzar a tschertgar in ustier adattà per la nova ustaria. Sche tut va bain vegn l'ustaria renovada averta l'atun 2018.

RR actualitad 08:00