Siglir tar il cuntegn

Header

cuntegn

Surselva «Schiditg che stattan cuolms e vals»

La cronica da 150 onns district da chant Surselva cumpara gist sin la festa da chant districtuala da questa fin d’emna a Falera.

Igl è in document dal chant Sursilvan co i n'ha anc mai dà el:

La purschida consista dad ina cronica cun 243 paginas e latiers datti da cumprar in DC cun producziuns da 28 chors sursilvans.

audio
Mezdi: Festa da chant a Falera – ina sfegliada en la cronica
ord Actualitad dals 08.06.2017.
laschar ir. Durada: 5 minutas 39 Secundas.

Rimnà documents davent da l'onn 1867

La pli gronda sfida per l'autur da la cronica Erwin Ardüser è stà da chattar documents da l’entschatta dal district da chant. Ils sulets documents che raquintan da quest temp da l'onn 1867 eran la finala las gasettas. «Der freie Rhätier» u la «Gasetta Romontscha» eran las gasettas che rapportavan sur da las festas a chant en Surselva. Ellas publitgavan er mintgatant ils rapports dals experts. Uss pon questas publicaziuns dar ina survista dal svilup dal chant en Surselva.

Il cudesch sin ina curuna da cudeschs.
Legenda: 1'000 cronicas èn stampadas. RTR, Linus Livers

Tut ils chors cun text e foto

La cronica resguarda era persunas contemporanas che raquintan reminiscenzas ord da lur temp sco chantadurs, dirigents, presidents ed en autras funcziuns tar ils chors. Plinavant vegnan tut ils chors dal district purtretads cun text e fotografias.

Ina rubrica che fa impressiun èn las fotografias dals chor ch’èn vegnids schliads e n’existan betg pli. 38 chors emplainan la rubrica «ei era inagada».

RR actualitad 11:00

Artitgels legids il pli savens