Siglir tar il cuntegn

Header

cuntegn

Surselva Scheffa ed emprendista en il medem mument

L’ustiera dal Hotel Alpsu, Annalisa Giger fa en ses agen hotel l’emprendissadi da cuschiniera.

audio
Annalisa Giger fa l'emprendissadi en l'agen hotel
ord RTR Audio dals 07.12.2015.
laschar ir. Durada: 2 minutas 46 Secundas.

Ella haja gia adina cuschinà fitg gugent, declera Annalisa Giger. Malgrà ch’ella lavura gia dapi passa 25 onns en la gastronomia, n’ha ella fin ussa betg gì peda da far l’emprendissadi da cuschiniera. Emprendi da cuschinar ha ella da ses frar, la mamma e la tatta. Ad ella manchia dentant la teoria e perquai è ella sa decidida da far l’emprendissadi da cuschiniera.

Damai che Annalisa Giger ha gia lunga experientscha professiunala en la gastronomia, ha pudì decider sezza, sch’ella vul far directamain ils examens ubain far la scola aifer in dus u trais onns. Ella è sa decidida da far la scola aifer dus onns. Ella na fissi betg consequenta avunda dad emprender per ils examens, sch’ella na giess betg a scola, manegia ella. Far la scola en pli curt temp na fiss era betg pussaivel. Pertge sper la scola e l’emprender maina Annalisa Giger ses hotel e cuschina per ils giasts. La scola cuzza anc fin la primavaira. Lura vegn Annalisa Giger a far ils examens da cuschiniera.

Artitgels legids il pli savens