Siglir tar il cuntegn
Inhalt

Surselva Sbuvaditsch dal Pinut pervia da las navadas da quest enviern

La bova da glitta e glera è sa derasada sur prads e pradas. Duas persunas ord ina chasa èn vegnidas evacuadas.

Il venderdi notg è vegnì giu ina bova en la regiun dal Pinut Pardatsch sur Fidaz. Gia l'entira emna vargada han ils responsabels da Flem observà ch'il dutg dal Pinut vegniva cun blera aua tschuffa cun da bler material. La bova da venderdi notg ha la finala sfurzà ils da Flem d'evacuar duas persunas ord ina chasa a Fidaz. Lur curtin era vegnids devastads da la bova ed ins saveva betg con material ch'era anc sin il culm.

Ils evacuads han pudì turnar a chasa

Ils davos sgols da controlla cun helicopter han mussà che la situaziun è sa calmada. La via tranter Scheia e Fidaz vegn rumida a partir da damaun. En il decurs da quest'emna duai la via puspè avrir. La via enferrada dal Pinut che vegniva normalmain averta l'entschatta matg sto anc spetgar, la raschun èn las navadas sin il crap da Flem e mo en segunda lingia il sbuvaditsch da venderdi notg.

RR novitads 16:00