Siglir tar il cuntegn

Surselva Sanaziun urgenta per gallaria Glion-Peiden

Suenter ch'ina bova è vegnida sur la gallaria giu, dovra quella ina sanaziun urgenta – ils donns èn pli gronds che spetgà.

Il problem: il material da la bova sin tetg ha bloccà la deflussiun d'aua, uschia che l'aua na po betg currer giu ed entra en la gallaria. L'aua ha chaschunà glatsch sin in vial, per consequenza ha quel stuì vegnir serrà.

Curt suenter la bova dals 18 da favrer eran ils responsabels da l'avis che la gallaria haja supportà quella senza pli gronds donns. 400 meters cubic èn sa tschentads sin tetg da la gallaria ed ulteriurs 400 meters cubic en il flum Glogn.

Las lavurs da da rumida e sanaziun cumenzan mesemna suentermezdi. Sco emprim vegn rumì la pitschna val sur la gallaria e silsuenter il tetg. Per primavaira è gia pervisa ina sanaziun pli gronda da la gallaria.

RR actualitad 17:00