Siglir tar il cuntegn
cuntegn

Surselva Sajettà dapli tschiervs che previs en Surselva

L’onn passà han ils chatschaders sajettà 995 tschiervs en Surselva. Tenor il plan da reducziun da l’Uffizi da chatscha e pestga dal Grischun avessan els be stuì sajettar 920 tschiervs.

Il cletg dad ina chatschadura.
Legenda: Il cletg dad ina chatschadura. RTR

Sfida dad ademplir il plan da chatscha

Els hajan gì ina chatsch'auta pulita, era sch’i saja stà bell’aura e fitg chaud, di il guardiaselvaschina da la Surselva Werner Degonda. I saja stà ina gronda sfida dad ademplir il plan da reducziun dal chantun. Mo i saja bun che chatschaduras e chatschadurs hajan ademplì quel, perquai ch’els sajan sut in tschert squitsch da vart da la selvicultura.

Ils chamutschs sut squitsch

A la radunanza generala dal district da chatscha 1 (Cadi) èn las cifras vegnidas preschentadas.

En quest district han ins sajettà durant la chatsch'auta 474 tschiervs (2015: 467), 179 chavriels (167), 208 chamutschs (245) e 28 capricorns (38).

RTR grafica
Legenda: RTR grafica RTR

Il motiv ch’ins haja sajettà l’onn passà in toc pli pauc chamutschs ch'il 2015 (37 animals respectivamain 15.1 % pli pauc) saja ch’ils chamutschs sajan sut grond squitsch, perquai ch’ils umans nizzegian pli e pli il territori sur il guaud, e quai stad ed enviern, declera Werner Degonda.

RR actualitad 07:00