Siglir tar il cuntegn

Header

Navigaziun

cuntegn

Surselva Sagogn, Burma, Turitg – ed il meglier diplom da schef-cuschinier

Suenter l'emprendissadi sco cuschinier n’è la scolaziun anc ditg betg stada a fin. Suenter diversas staziuns sco cuschinier ha el anc fatg la scola da hotellaria e suenter la scolaziun da schef-cuschinier. Quella ha el finì quest onn, cun il meglier resultat da l’entira Svizra.

Cumenzà la scolaziun ha Urs Auchter, perquai ch’il titel da schef-cuschinier è dumandà, sch’ins vul lavurar sco docent a la Scola da hotellaria Belvoirpark a Turitg. Ch’el fetschia lura gist la meglra nota da tuts quest onn, gliez na vess el betg pensà. Quai na saja bain betg stà la finamira, ma el haja schon vulì far in bun resultat.

Il cuschinier Urs Auchter
Legenda: Urs Auchter lavura sco scolast e docent en la scola da hotellaria a Turitg. RTR, Ursin Lechmann
Sch’jeu fetg enzatgei, less jeu far endretg quei.
Autur: Urs Auchterschef-cuschinier

Dad ina vart haja el profità tar l'examen da sia lavur sco docent a la scola da hotellaria. Surtut tar la tecnica da lavur e tar il lavurar schuber haja el gì avantatgs. Ma da l’autra vart haja el però era sentì ch’el na lavura betg pli savens sut squitsch da temps. Quai ha el cumpensà cun trenar bleras giadas il menu ch’el ha cuschinà durant l'examen.

In curt, ma pregnant temp a Burma

Entras la Scola da hotellaria a Passugg, nua che Urs Auchter ha era lavurà, ha el pudì realisar in project interessant a Burma. El ha gidà d'avrir la partiziun da hotellaria en ina scola da professiun a Myanmar, Burma. Durant 1 mais è il cuschinier stà a Burma. Quai temp haja gì ina gronda influenza sin el. Savens pensa el enavos vid quest temps e surtut vid la mentalitad da la glieud a Burma.

Urs Auchter cun scolars a Burma
Legenda: Il temp che Urs Auchter ha lavurà a Burma ha gì gronda influenza sin el. MAD
Enteifer mo 1 meins eisi vegniu tier amicezias culla glieud a Burma.
Autur: Urs Auchterschef-cuschinier

L’experientscha a Burma gida el en il mintgadi dad oz. En la scola a Turitg hai scolaras e scolars da blers differents stadis. Il temp a Burma gida el, dad avair dapli chapientscha per las differentas mentalitads.

RR actualitad 11:00