La plaiv sa numna Rueun, Ruschein, Siat e Pigniu. Per l’orgla da Ruschein ha la plaiv concedì in credit da 8’000 francs. Cun quests daners possian els pajar il material ch’els dovrian, manegia Gion Cadruvi (88) il president da la cumissiun per l’orgla. Tut la lavur per l’orgla nova vegn fatga gratuita. Quai grazia a la cumissiun da l’orgla ed a Walter Bär.
Daco gist Ruschein?
L’organista da Ruschein è vegnida a savair che Walter Bär da Turitg veglia regalar in'orgla ad ina plaiv plitost paupra. Sin quai è Gion Cadruvi vegnì en acziun: El ha prendì si contact cun Bär e la chaussa è stada fatga.
L’orgla electronica ch'è ussa en funcziun en la baselgia da Ruschein vegn remplazzada cun ina endretga, sco quai che Gion Cadruvi manegia. I vegn a dar in'orgla cun 13 registers e 720 channas.
Sche tut va bain quintan els da pudair inaugurar l'orgla nova da Pasca 2019.
RR Actualitad 07:00